مەملەكەت باسشىسى دٷنيەجٷزٸلٸك ەنەرگەتيكا اپتالىعى مەن حIV KazEnergy ەۋرازييالىق فورۋمى اياسىندا ٶتكەن «ەلەمدٸك ەنەرگەتيكالىق تريلەمما 2021 – كومپونەنتتەر تەڭگەرٸمٸ: ەنەرگەتيكالىق ايماقتار بويىنشا ٶزگەرٸستەر ناۆيگاتسيياسى» اتتى جاھاندىق پلەنارلىق مەجٸلٸستە بەينەٷندەۋ جاسادى, دەپ حابارلايدى "ۇلت اقپارات" اقورداعا سٸلتەمە جاساپ.
پرەزيدەنت ورتالىق ازييا ايماعىندا العاش رەت ٶتكٸزٸلٸپ وتىرعان دٷنيەجٷزٸلٸك ەنەرگەتيكا اپتالىعىنىڭ ۇيىمداستىرىلۋىن قولدادى.
– وسى اپتادا 90 ەلدٸڭ باسشىلارى مەن بەدەلدٸ تۇلعالارى قازاقستاندا باس قوستى. گلازگودا ٶتەتٸن كليماتتىڭ ٶزگەرۋٸ جٶنٸندەگٸ سور26 كونفەرەنتسيياسىنىڭ قارساڭىندا قول جەتكٸزٸلگەن نەتيجەلەر مەن ورتاق بولاشاققا قاتىستى كٶزقاراستارىمىزدى تالقىلاۋ ٷشٸن جينالدىق, – دەدٸ قاسىم-جومارت توقاەۆ.
مەملەكەت باسشىسى وسى باعىتتاعى ۇلتتىق باسىمدىقتار مەن مٸندەتتەمەلەر تۋرالى ايتا كەلٸپ, قازاقستان كليماتتىڭ ٶزگەرۋٸنە قارسى كٷرەس پەن پاريج كەلٸسٸمٸنٸڭ ماقساتتارى جولىنداعى جاھاندىق كٷش-جٸگەردٸ تولىق قولدايتىنىن اتاپ ٶتتٸ.
سونىمەن قاتار پرەزيدەنت ەلەمنٸڭ جاڭا دامۋ كەزەڭٸنە قادام باسقانى تۋرالى پٸكٸرٸن ورتاعا سالدى. ونىڭ ايتۋىنشا, جاڭا تەحنولوگييالار قازبا وتىن تٷرلەرٸنەن جاڭارتىلاتىن قۋات كٶزدەرٸنە, سۋتەگٸ مەن يادرولىق ەنەرگيياعا كٶشۋدٸ تالاپ ەتەدٸ.
– مەن ٷكٸمەتكە 2030 جىلعا قاراي ەلەكتر ەنەرگيياسىن ٶندٸرۋدە جاڭارتىلاتىن جەنە بالامالى ەنەرگييا كٶزدەرٸنٸڭ ٷلەسٸن 15 پايىزعا جەتكٸزۋدٸ تاپسىردىم. قازٸرگٸ تاڭدا 2000 مۆت-قا جۋىق جاڭارتىلاتىن قۋات كٶزدەرٸ پايدالانۋعا بەرٸلدٸ. قازاقستاننىڭ كٶزدەگەن ماقساتقا جەتۋ جولىنداعى باعىتى دۇرىس. الايدا, كٶمٸرتەگٸ بەيتاراپتىعىنا قول جەتكٸزۋ ٷشٸن تەك جاڭارتىلاتىن ەنەرگيياعا يەك ارتۋ جەتكٸلٸكسٸز, – دەدٸ مەملەكەت باسشىسى.
قاسىم-جومارت توقاەۆ ٶزٸنٸڭ ۇستانعان ساياساتىنا سەيكەس ٷكٸمەتتٸڭ ەنەرگييا ٶندٸرۋ, ەنەرگييانى ٷنەمدٸ پايدالانۋ, تسيفرلاندىرۋ جەنە تۇراقتى ەكونوميكالىق ٶسٸم سيياقتى نەگٸزگٸ باعىتتاردى ٸلگەرٸلەتۋگە ىقپال ەتەتٸن بٸرقاتار ۇلتتىق جوبالاردى ەزٸرلەپ جاتقانىن اتاپ ٶتتٸ.
– بۇل جوبالار اسا ماڭىزدى, ٶيتكەنٸ ولار ميللياردتاعان ادامنىڭ بيزنەس جٷرگٸزۋٸنٸڭ جەنە كٷندەلٸكتٸ ٶمٸرٸنٸڭ «جاڭا نورماسىنا» اينالادى, – دەدٸ پرەزيدەنت.
مەملەكەت باسشىسى سٶزٸنٸڭ سوڭىندا فورۋمنىڭ پٸكٸرتالاس پلاتفورماسىنىڭ بٸرەگەيلٸگٸنە توقتالدى. وسى رەتتە اتالعان جيىن ەلەمنٸڭ جاھاندىق ماقساتقا – كليماتتىڭ ٶزگەرۋٸنە توسقاۋىل قويۋعا قول جەتكٸزۋٸنە سەپتٸگٸن تيگٸزەتٸن قازٸرگٸ ٷردٸستەردٸ, بولجامدار مەن جوسپارلاردى قاراستىرۋ ٷشٸن جەتەكشٸ ساراپشىلارعا جاقسى مٷمكٸندٸك بەرەتٸنٸن جەتكٸزدٸ.
