Memleket basshysy Qazaqstan Respýblikasynyń Kásipodaqtar federatsiiasynyń tóraǵasy Baqytjan Ábdiraiymdy qabyldady, dep habarlaidy "Ult aqparat"Aqordaǵa silteme jasap.
Kezdesýde Nursultan Nazarbaev Baqytjan Ábdiraiymdy Kásipodaqtar federatsiiasynyń tóraǵasy laýazymyna sailanýymen quttyqtap, onyń jańa qyzmetine tabys tiledi.
– Siz kóptegen qyzmet atqardyńyz. Rektor da, ministrdiń orynbasary da boldyńyz. Quqyq qorǵaý, ádilet organdarynda, Joǵarǵy sotta eńbek ettińiz. Zań salasyndaǵy bilimińiz ben tájiribeńiz mol, – dedi Qazaqstan Prezidenti.
Prezident kásipodaqtar eńbek qatynastaryn retteýde jáne eńbekkerler men jumys berýshiler arasynda syndarly dialog ornatýda mańyzdy ról atqaratynyn atap ótti.
