Qazaqstan Prezidenti Qasym-Jomart Toqaev «Baqytty otbasy» analar ortalyǵyna bardy, dep habarlaidy "Ult aqparat" Aqordaǵa silteme jasap.
Ortalyqta Memleket basshysyna kópbalaly jáne turmysy tómen otbasylardy áleýmettik qoldaý jónindegi Tuńǵysh Prezident – Elbasy tapsyrmalarynyń oryndalý barysy týraly málimet berildi.
Qasym-Jomart Toqaev «bir tereze» qaǵidaty boiynsha áleýmettik álsiz otbasylar men kópbalaly analarǵa qyzmet kórsetý maqsatynda ashylǵan elimizdegi alǵashqy mekeme «Baqytty otbasy» analar ortalyǵynyń jumysymen tanysty. Munda mamandar kópbalaly analarǵa psihologiialyq, quqyqtyq máseleler boiynsha keńes beredi. Sonymen qatar, jańa mamandyqtarǵa baýlyp, kompiýterlik saýat ashýǵa kómektesedi. Ortalyq qyzmeti áleýmettik álsiz otbasylardyń ómir súrý sapasyn arttyryp, olardyń ekonomikalyq derbestigin nyǵaitýǵa baǵyttalǵan.
