QR Prezidenti Qasym-Jomart Toqaev halyqqa Joldaýynda buqaralyq aqparat quraldary týraly zańdy qaita qaraý kerektigin alǵa tartty, dep habarlaidy QazAqparat.
«Otandyq BAQ-tyń el óńirlerinde jáne álem bolyp jatqan úderister týraly óz kózqarasy bolýǵa tiis. Elimizdiń aqparattyq qaýipsizdigi, tipti ideologiialyq derbestigi osyǵan tikelei bailanysty. Memleket ashyq aqparat keńistigin qalyptastyrýǵa erekshe kóńil bóledi. BAQ ózekti máselelerdi kótere alady jáne kóterýi kerek, biraq muny úlken azamattyq jaýapkershilikpen jasaý kerek. Syrttan tapsyrys boiynsha emes, kóleńkeli tólemaqy úshin nemese saiasi toptar úshin jumys istemeýi kerek. BAQ ókilderi óz eli men onyń azamattary úshin shyn júrekten alańdaýy kerek», - dedi Memleket basshysy.
Sóz arasynda Prezident BAQ-tyń tórtinshi bilik ekenin taǵy bir eske saldy.
«Osy oraida tilshiler qaýymyna arnaiy júginemin. Odar arǵy demokratiialyq ózgerister táýelsiz jáne jaýapty buqaralyq aqparat quraldarynsyz múmkin emes dep sanaimyn. Sondyqtan memlekettiń múddesi men qoǵamnyń suranystaryn jáne media salanyń damý tendentsiialaryn eskere otyryp, BAQ týraly zańdy qaita qaraý qajet», - deidi ol.
