Memleket basshysy Qasym-Jomart Toqaev Birikken Arab Ámirlikteriniń memlekettik qairatkeri sheih Sultan ben Zaid Ál Nahaiannyń dúnieden ozǵany týraly sýyt habardy tereń kúizelispen qabyl alyp, onyń baýyry, Birikken Arab Ámirlikteriniń Prezidenti Sheih Halifa ben Zaid Ál Nahaianǵa kóńil aitý jedelhatyn joldady, dep habarlaidy "Ult aqparat" Aqordaǵa silteme jasap.
Jedelhatta Sheih Sultan óz ómirin Ámirlikterdiń, onyń halqynyń múddesin qorǵaýǵa jáne qyzmet etýge riiasyz arnaǵany baiandalǵan. Sonymen qatar Qazaqstan halqy sheih Sultan Ál Nahaiandy parasatty azamat, joǵary bedeldi saiasatker, ekijaqty yntymaqtastyqty nyǵaitýǵa orasan zor eńbek sińirgen tarihi tulǵa retinde árdaiym jadynda saqtaityny aitylǵan.
– Osyndai syn saǵatta orny tolmas aýyr qaiǵy-qasiretterińizge ortaqtasyp, barsha Qazaqstan halqynyń atynan jáne jeke óz tarapymnan, Sizge jáne búkil Ámirlikter halqyna qaiǵyra kóńil aitamyn, – delingen jedelhatta.
