مەملەكەت باسشىسى قاسىم-جومارت توقاەۆ بٸرٸككەن اراب ەمٸرلٸكتەرٸنٸڭ مەملەكەتتٸك قايراتكەرٸ شەيح سۇلتان بەن زايد ەل ناھاياننىڭ دٷنيەدەن وزعانى تۋرالى سۋىت حاباردى تەرەڭ كٷيزەلٸسپەن قابىل الىپ, ونىڭ باۋىرى, بٸرٸككەن اراب ەمٸرلٸكتەرٸنٸڭ پرەزيدەنتٸ شەيح حاليفا بەن زايد ەل ناھايانعا كٶڭٸل ايتۋ جەدەلحاتىن جولدادى, دەپ حابارلايدى "ۇلت اقپارات" اقورداعا سٸلتەمە جاساپ.
جەدەلحاتتا شەيح سۇلتان ٶز ٶمٸرٸن ەمٸرلٸكتەردٸڭ, ونىڭ حالقىنىڭ مٷددەسٸن قورعاۋعا جەنە قىزمەت ەتۋگە ريياسىز ارناعانى باياندالعان. سونىمەن قاتار قازاقستان حالقى شەيح سۇلتان ەل ناھاياندى پاراساتتى ازامات, جوعارى بەدەلدٸ ساياساتكەر, ەكٸجاقتى ىنتىماقتاستىقتى نىعايتۋعا وراسان زور ەڭبەك سٸڭٸرگەن تاريحي تۇلعا رەتٸندە ەردايىم جادىندا ساقتايتىنى ايتىلعان.
– وسىنداي سىن ساعاتتا ورنى تولماس اۋىر قايعى-قاسٸرەتتەرٸڭٸزگە ورتاقتاسىپ, بارشا قازاقستان حالقىنىڭ اتىنان جەنە جەكە ٶز تاراپىمنان, سٸزگە جەنە بٷكٸل ەمٸرلٸكتەر حالقىنا قايعىرا كٶڭٸل ايتامىن, – دەلٸنگەن جەدەلحاتتا.
