Foto: Aqorda
Qasym-Jomart Toqaev Astanaǵa resmi saparmen kelgen Ázerbaijannyń Syrtqy ister ministri Djeihýn Bairamovpen kezdesý ótkizdi, dep habarlaidy Ult.kz.
Prezident meimanǵa iltipat bildire otyryp, san qyrly memleketaralyq bailanysty odan ári nyǵaitý turǵysynan bul kezdesýdiń mańyzyn atap ótti.
"Sizdiń saparyńyzdyń baýyrlas Ázerbaijan elimen yntymaqtastyǵymyzdy odan ári ilgeriletý turǵysynan máni zor. Biz úshin Ázerbaijanmen qarym-qatynas erekshe mańyzǵa ie. Biz Sizdiń elińizdi senimdi strategiialyq seriktes jáne odaqtas retinde qarastyramyz", – dedi Prezident.
Óz kezeginde Ázerbaijannyń Syrtqy ister ministri dástúrli túrde qonaqjailyq tanytqany úshin rizashylyǵyn bildirip, ekijaqty qarym-qatynastyń qarqyndy damyp kele jatqanyna toqtaldy.
Djeihýn Bairamov oraily sátti paidalana otyryp, ázerbaijandyq áýe jelisine tiesili ushaqtyń Aqtaýdaǵy apaty kezinde jedel kómek kórsetkeni úshin Qazaqstan tarapyna Prezident Ilham Áliev pen Ázerbaijan halqynyń atynan alǵys aitty.
Kezdesýde aýqymdy strategiialyq jobalardy júzege asyrý, sonyń ishinde Kaspii teńiziniń tabany arqyly talshyqty-optikalyq bailanys pen sýasty elektr jelisin tartý máseleleri talqylandy.
Sonymen qatar saýda, investitsiia, tsifrlandyrý, kólik-tranzit salalaryndaǵy ózara yqpaldastyqty odan ári jandandyrý perspektivasy qarastyryldy.
