Foto: Aqorda
Prezident Qasym-Jomart Toqaev Ilham Álievke Mańǵystaý oblysynda Ázerbaijannyń áýe joldary ushaǵy apatqa ushyrap, ekipaj músheleri men jolaýshylardyń qaza tapqany týraly sýyt habardy tereń kúizelispen qabyldaǵanyn jetkizdi, dep habarlaidy Aqordanyń baspasóz qyzmeti.
– Orny tolmas aýyr qaiǵyǵa ortaqtasa otyryp, Sizge, qaza tapqan azamattardyń týǵan-týystaryna jáne barsha Ázerbaijan halqyna kóńil aitamyn. Meniń tapsyrmammen Qazaqstan Úkimeti memlekettik komissiia qurdy. Komissiia qutqarý operatsiiasy aiasynda tiisti sharalar qabyldap, Ázerbaijan tarapyna qajetti kómek kórsetedi, – delingen jedelhatta.
Eske sala ketsek, Baký- Groznyi J2-8243 nómirli reisin oryndaǵan Embraer 190 ushaǵy Aqtaý qalasynan 3 shaqyrym jerde apatty jaǵdaida qondy.
Oqiǵa ornyna QR Tótenshe jaǵdailar ministrligi jeke quramynyń 52 adamy men 11 birlik tehnikasy bardy.
Apatqa ushyraǵan ushaq bortynda Qazaqstannyń 6 azamaty boldy.
QR Kólik ministrligi málim etkendei, Ázerbaijan tarapynyń aldyn ala aqparaty boiynsha, bortta 62 jolaýshy men 5 ekipaj múshesi bolǵan.
QR Prezidentiniń tapsyrmasymen Memlekettik komissiia quryldy.
