فوتو: اقوردا
پرەزيدەنت قاسىم-جومارت توقاەۆ يلحام ەليەۆكە ماڭعىستاۋ وبلىسىندا ەزەربايجاننىڭ ەۋە جولدارى ۇشاعى اپاتقا ۇشىراپ, ەكيپاج مٷشەلەرٸ مەن جولاۋشىلاردىڭ قازا تاپقانى تۋرالى سۋىت حاباردى تەرەڭ كٷيزەلٸسپەن قابىلداعانىن جەتكٸزدٸ, دەپ حابارلايدى اقوردانىڭ باسپاسٶز قىزمەتٸ.
– ورنى تولماس اۋىر قايعىعا ورتاقتاسا وتىرىپ, سٸزگە, قازا تاپقان ازاماتتاردىڭ تۋعان-تۋىستارىنا جەنە بارشا ەزەربايجان حالقىنا كٶڭٸل ايتامىن. مەنٸڭ تاپسىرماممەن قازاقستان ٷكٸمەتٸ مەملەكەتتٸك كوميسسييا قۇردى. كوميسسييا قۇتقارۋ وپەراتسيياسى اياسىندا تيٸستٸ شارالار قابىلداپ, ەزەربايجان تاراپىنا قاجەتتٸ كٶمەك كٶرسەتەدٸ, – دەلٸنگەن جەدەلحاتتا.
ەسكە سالا كەتسەك, باكۋ- گروزنىي J2-8243 نٶمٸرلٸ رەيسٸن ورىنداعان Embraer 190 ۇشاعى اقتاۋ قالاسىنان 3 شاقىرىم جەردە اپاتتى جاعدايدا قوندى.
وقيعا ورنىنا قر تٶتەنشە جاعدايلار مينيسترلٸگٸ جەكە قۇرامىنىڭ 52 ادامى مەن 11 بٸرلٸك تەحنيكاسى باردى.
اپاتقا ۇشىراعان ۇشاق بورتىندا قازاقستاننىڭ 6 ازاماتى بولدى.
قر كٶلٸك مينيسترلٸگٸ مەلٸم ەتكەندەي, ەزەربايجان تاراپىنىڭ الدىن الا اقپاراتى بويىنشا, بورتتا 62 جولاۋشى مەن 5 ەكيپاج مٷشەسٸ بولعان.
قر پرەزيدەنتٸنٸڭ تاپسىرماسىمەن مەملەكەتتٸك كوميسسييا قۇرىلدى.
