Foto: pixabay.com
Memleket basshysy Qasym-Jomart Toqaev áielderdi 8 naýryz - Halyqaralyq áielder kúnimen quttyqtady, - dep habarlaidy "Ult aqpara" Aqordanyń baspasóz qyzmetine silteme jasap.
"Qymbatty hanymdar! Barshańyzdy Halyqaralyq áielder kúnimen shyn júrekten quttyqtaimyn! Sizder álemge jylýlyq pen jarasym syilap, jaqyn jandaryńyzdy mahabbatqa bóleisizder. Aiaýly analarymyz óskeleń urpaqtyń boiyna adamgershilik qundylyqtardy sińirip, olardy eńbekqor, bilimpaz bolýǵa tárbieleidi. Búginde áielder qaýymynyń otbasyndaǵy, qoǵam ómirindegi jáne memleketti jan-jaqty damytý isindegi róli orasan zor.
Qyz-kelinshekter óndiriste, shyǵarmashylyq jolynda, saiasat, biznes jáne basqa da kóptegen salada biik belesterdi baǵyndyryp keledi.
Memleket genderlik teńdikti saqtaýǵa, áielder quqyǵyn qorǵaýǵa jáne otbasy qundylyqtaryn nyǵaitýǵa árdaiym basa mán beredi. Analarymyz ben arýlarymyzdyń alańsyz ómiri – ultymyzdyń jarqyn bolashaǵynyń kepili. Sizderge zor densaýlyq, baq-bereke tileimin! Árdaiym kóktem kúnindei jadyrap júrińizder!" - dedi Prezident.
