Elordada ótip jatqan «Islam – mádeniet pen izgiliktiń bastaýy» atty imamdardyń IV respýblikalyq onlain-forýmynda QR Prezidenti Qasym-Jomart Toqaevtyń atynan elimizdiń birqatar imamdary marapattaldy, dep habarlaidy QazAqparat.
«Búgingi forýmda dini qairatkerlerdiń aitqan oilary, ideialary men sheshimderi elimizdegi barsha musylman qaýymnyń qyzyǵýshylyǵyn týdyrady degen senimdemin. Qurmetti forýmǵa qatysýshylar!.
Qazaqstan musylmandary dini basqarmasynyń 30 jyldyq mereitoiyna orai memlekettik din salasyndaǵy saiasatty kórkeitýge qomaqty úles qosqan birqatar meshit imamdaryn QR Prezidentiniń atynan marapattaý qarastyrylyp otyr», - dedi QR Memlekettik hatshysy Qyrymbek Kósherbaev forýmda sóilegen sózinde.
Aita ketsek, Qazaqstan musylmandary dini basqarmasynyń 30 jyldyq mereitoiyna orai ótip jatqan «Islam – mádeniet pen izgiliktiń bastaýy» atty imamdardyń IV respýblikalyq onlain-forýmyna QR Prezidenti Qasym-Jomart Toqaev jáne QR Tuńǵysh Prezidenti – Elbasy Nursultan Nazarbaev quttyqtaý joldaǵan bolatyn.
QR Prezidentiniń atynan marattalǵan imamdar tizimi:
1. Bekaidar Ámire – Shymkent qalasynyń «Sheih Muhammed sadyq» meshitiniń bas imamy;
2. Myrzabaev Kenjeáli Qońyratbaiuly – Almaty qalasynyń «Qalqaman» meshitiniń bas imamy;
3. Amanqulov Asylhan Ómirzaquly – Almaty qalasynyń «Ál-Hamid» meshitiniń bas imamy;
4. Smanov Ábdijappar Shákiruly – Túrkistan oblysynyń «Saryaǵash» medrese-kolledji direktorynyń orynbasary;
5. Dáýrenbekov Ábdimútáli Qainazaruly – Aqtóbe qalasynyń «Aqtóbe» medrese-kolledjiniń direktory;
6. Qulmuhammed Mahambet Pirmanuly – «Ábý Hanifa» medrese kolledjiniń direktory;
7. Rahymjan Saǵynai Qabdýlýahituly – «Aqniet» aqparattyq nasihattaý jáne ońaltý ortalyǵy, teolog-keńesshi;
8. Týleshov Zamir Qarataiuly - «Aqniet» aqparattyq nasihattaý jáne ońaltý ortalyǵy, bólim basshysy.
