Memleket basshysy Nursultan Nazarbaev barlyq musylmandardyń qasietti Ramazan aiynda elordadaǵy «Saryarqa» aýdanynda ornalasqan jańa meshitke bardy, dep habarlaidy Aqordanyń baspasóz qyzmeti.
Qazaqstan Prezidentine meshittiń qurylysy men osy ǵimaratty elektr jáne jylýmen qamtasyz etý úshin paidalanylatyn balamaly energiia kózderi týraly tolyǵyraq aqparat berildi.
Esildiń oń jaǵalaýynda ornalasqan meshittiń qurylysy 2016 jyly bastaldy. Ol qaiyrymdylyqtan túsken aqsha esebinen turǵyzylǵan. Meshittiń ǵimaraty dástúrli oiý-órnekter jáne dekorativ elementterdi qoldana otyryp, postmodernizm stilinde salynǵan. Kúmbeziniń diametri - 26 metr. Syrttai qaraǵanda meshittiń dizainy gúlge jáne almazdyń qyryna uqsaidy.
Meshittiń basty ǵimaratynan soltústikke qarai ornalasqan munaranyń biiktigi - 43,5 metrdi quraidy. Ol «qalam» - «qasietti qalamush» beinesinde jasalǵan.
Jańa meshitti energiiamen qamtamasyz etý úshin qoldanylatyn balama kózder qajetti kólemnen úsh ese artyq elektr energiiasyn óndiredi. Meshit 750 adamǵa arnalǵan.
Aýmaǵy - 2248 sharshy metr. Al jalpy ýchaskeniń aýmaǵy - 1,44 gektar
