Qazaqstan Prezidenti Tsifrlyq damý, innovatsiialar jáne aeroǵarysh ónerkásibi ministri Asqar Jumaǵalievti qabyldady, dep habarlaidy Aqorda.
Kezdesý barysynda Qasym-Jomart Toqaevqa memlekettik qyzmetterdi avtomattandyrý, telekommýnikatsiialyq infraqurylymdy, innovatsiialyq ekojúieni jáne adami kapitaldy damytý, ekonomika salalaryn tsifrlandyrý boiynsha júrgizilip jatqan jumystar týraly baiandaldy.
Asqar Jumaǵaliev Memleket basshysyna 250-den asatyn turǵyny bar eldi mekenderdiń barlyǵy osy jyldyń sońyna deiin joǵary jyldamdyqty mobildi internetpen qamtamasyz etiletinin jetkizdi.
Sonymen qatar Qazaqstan Prezidentine qalalardy tsifrlandyrý jáne aqparattyq qaýipsizdik salasyndaǵy atqarylyp jatqan jumystar týraly málimet berdi.
Kezdesý sońynda Qasym-Jomart Toqaev Asqar Jumaǵalievke birqatar naqty tapsyrma berdi.
