Foto: Akorda.kz
Qazaqstan Prezidenti Premer-ministr Nikol Pashiniandy Vashingtonda Armeniia men Ázerbaijan arasynda beibitshilik ornatý týraly deklaratsiiaǵa qol qoiylýymen quttyqtady, dep habarlaidy Ult.kz.
Tarihi mańyzy bar bul qujatqa Nikol Pashiniannyń saiasatker retindegi alǵyrlyǵynyń arqasynda qol qoiyldy. Ol myqty saiasi erik-jigerge ie ekenin kórsetip, óz memleketiniń ulttyq múddesi jolynda strategiialyq kóregendilik tanytty.
Deklaratsiia Ońtústik Kavkazdaǵy aýqymdy halyqaralyq yntymaqtastyqqa, sondai-aq Qazaqstan men Armeniia arasyndaǵy anaǵurlym qarqyndy ekonomikalyq jáne investitsiialyq yqpaldastyqqa jol ashady.
Qasym-Jomart Toqaev Armeniia Premer-ministriniń jyl sońyna josparlanǵan resmi saparyna Astana ázirlik jumystaryn bastap ketkenin málimdedi. Qazaqstan kelissózderge óz alańyn usyna otyryp, Armeniia men Ázerbaijan arasyndaǵy saiasi dialogqa odan ári septigin tigizýge nietti.
Nikol Pashinian jyly lebizi men qoldaýy úshin Memleket basshysyna alǵys aitty. Sondai-aq Qazaqstan tarapyna eki memleket arasynda beibitshilik ornatýǵa qatysty kelissóz protsesiniń keibir aspektileri jóninde málimet berip, bul máselede AQSh Prezidenti Donald Tramp airyqsha mámilegerlik ról atqarǵanyn atap ótti.
Premer-ministr Qazaqstannyń Armeniia men Ázerbaijandy tatýlastyrýǵa qosqan úlesin oń baǵalady. Sonymen qatar ol ózara yntymaqtastyqty jandandyratyn jańa kelisimderge qol qoiý úshin Qazaqstanǵa biyl arnaiy saparmen kelýge daiyn ekenin rastady.
