Qasym-Jomart Toqaev belgili arhitektor, akademik, Memlekettik syilyqtyń laýreaty Ábdisaǵit Tátiǵulovtyń dúnie salýyna bailanysty onyń otbasyna kóńil aitý jedelhatyn joldady, dep habarlaidy Aqordanyń baspasóz qyzmeti.
«Ábdisaǵit Shaimuhanbetuly Qazaqstanda qurylys salasyn damytýǵa úlken úles qosqan qairatker. Uzaq jyldar boiy «KAZGOR» jobalaý akademiiasyn basqaryp, elimizde eńseli ǵimarattar men saltanatty sarailardyń boi kóterýine sińirgen eńbegi óte mol. Ol ulttyq sáýlet mektebin qalyptastyryp, shákirt tárbieleýdiń ozyq úlgisin kórsetti. Ónegeli ǵumyr keship, sońyna óshpes iz qaldyrǵan Ábdisaǵit Tátiǵulovtyń jarqyn beinesi halqymyzdyń júreginde máńgi saqtalady», – delingen jedelhatta.
