Memleket basshysy Qasym-Jomart Toqaev naýryz aiynda Almatyǵa baryp, arnaiy jinalys ótkizbek, dep habarlaidy "Ult aqparat".
«Almaty – Qazaqstannyń iri qalasy. 3 millionǵa jýyq turǵyny bar. Elimizdiń qarjy jáne biznes ortalyǵy. Degenmen Almatyda kóptegen ózekti másele, túitkilder bar. Sondyqtan qalanyń damýyna airyqsha nazar aýdaramyz. Oǵan qosa Almaty qalasynyń mańyna oblysqa qarasty eldimekender tyǵyz shoǵyrlanǵan. Kóptegen máseleni Almaty oblysymen birlese sheshýge týra keledi. Qurylys, infraqurylym, jer jáne basqa da salalar boiynsha birqatar ortaq másele bar. Amandyq bolsa, naýryz aiynda Almatyǵa baryp, arnaiy jinalys ótkizemiz», - dedi Qasym-Jomart Toqaev Úkimettiń keńeitilgen otyrysynda Almaty qalasynyń ákimi Baqytjan Saǵyntaevqa qarata aitqan sózinde.
