QR Prezidenti Qasym-Jomart Toqaev Alǵys aitý kúnimen quttyqtady, dep habarlaidy QazAqparat.
«Qurmetti, partiialastar! Eń aldymen barshańyzdy búgingi Alǵys aitý kúnimen quttyqtaimyn. Bul - ózara tilektestikti, janashyrlyqty qamqorlyqty dáripteitin meiram. Biz osyndai yntymaqtyń arqasynda qańtardaǵy qiyn-qystaý kúnderde memlekettigimiz ben tutastyǵymyzdy qorǵap qaldyq. Syn saǵatta birligin saqtai bilgen barsha otandastarymyzǵa zor rizashylyǵymdy bildiremin», - dedi Memleket basshysy «Nur Otan» partiiasynyń kezekten tys sezinde.
QR Prezidenti uiymdy jańǵyrtý týraly alqaly jiynnyń dál búgin ótýiniń simvoldyq máni bar ekendigin atap ótti.
«1 naýryz partiianyń qurylǵan kúni. 23 jyl buryn elimizdegi eń basty saiasi uiymnyń negizi qalandy. Partiia halyqty ortaq maqsatqa jumyldyrdy. Qoǵamǵa paidaly kóptegen bastama kóterip, sailaýshylardyń qoldaýyna ie boldy», - dedi Qasym-Jomart Toqaev.
