Memleket basshysy áleýmettik kásipkerlik ókilderimen kezdesti, dep habarlaidy "Ult aqparat" Aqordaǵa silteme jasap.
Kezdesýge «Green TAL» áleýmettik sheberhanasynyń basshysy, «Best for kids» qoǵamdyq qorynyń vitse-prezidenti Emin Áskerov, «Dastarhan» JShS direktory Elena Mashinskaia, «Qamqor otaý» áleýmettik jobasynyń direktory, «Trening-Kafe» áleýmettik jobasynyń úilestirýshisi Baqytjan Qudiiarov qatysty.
Kásipkerler Prezidentke elimizdegi áleýmettik kásipkerliktiń ahýaly men ony ári qarai damytý perspektivalary jaiynda aitty. Sonymen qatar olar atalǵan saladaǵy ózekti problemalar jónindegi oilarymen bólisip, onyń ishinde qajetti ǵimarattar men óz ónimderin ótkizý oryndarynyń tapshylyǵy týraly jetkizdi.
Jiynǵa qatysýshylar memleket tarapynan kórsetilip jatqan qoldaýdy joǵary baǵalap, Qazaqstan Prezidentine biyl kúzde áleýmettik kásipkerlerdiń birinshi respýblikalyq forýmyn ótkizý jónindegi jospary týraly baiandady.
Qasym-Jomart Toqaev kásipkerlerdiń qoǵamǵa paidaly jobalardy júzege asyryp jatqany úshin rizashylyq bildirip, olardyń forým ótkizý jaiyndaǵy ideiasyn qoldady. Prezidenttiń aitýynsha, memleket búkil respýblika aýmaǵyndaǵy áleýmettik bizneske jan-jaqty qoldaý kórsete beredi.
