Álemdik arenadaǵy elimizdiń bedelin saqtap, nyǵaitýǵa mindettimiz. Bul týraly búgin Aqordada birqatar azamatqa memlekettik nagradalardy tapsyrý barysynda Memleket basshysy Qasym-Jomart Toqaev aitty, dep habarlaidy QazAqparat.
«Biz álemdik arenadaǵy elimizdiń bedelin saqtap, nyǵaitýǵa mindettimiz. Bul Táýelsizdigimizdi qorǵaýǵa baǵyttalǵan mańyzdy mindetterdiń biri. Qazaqstan óńirlik jáne jahandyq qaýipsizdikti, eń aldymen ulttyq múddesin qaperge ala otyryp nyǵaitatyn bolady. Odaqtastarymyzben jáne strtegiialyq seriktesterimizben, Ortalyq Aziiadaǵy kórshiles memlekettermen, barlyq múddeli eldermen yntymaqtastyqqa airryqsha nazar aýdarylady», - dedi Qazaqstan Prezidenti.
Memleket basshysy Qazaqstan sheteldegi azamattarynyń jáne biznestiń múddesin belsendi qorǵaityndyǵyn basa aitty.
«Syrtqy saiasat - bul memlekettik saparlar, sammitter, kelissózder ǵana emes. Árbir el álemge eń aldymen óz azamattarynyń jetistikteri arqyly shyǵady. Biz úshin bul – qazaqstandyq mádeniet jáne onyń tanymal sheberleri, otandyq sportshylardyń jetistikteri, ǵalymdarymyzdyń álemdik ǵylymi jańalyqtarǵa qatysýy, pedagogtar men medikterdiń, óndiris salasy qyzmetkerleriniń tabandy eńbegi», - dedi Qasym-Jomart Toqaev.
.jpeg)