Memleket basshysy Qasym-Jomart Toqaev eldi bereke-birlikke shaqyrdy, dep habarlaidy "Ult aqparat".
«Qazir álemdegi jaǵdai kúrdeli. Tipti, keibir aimaqtardaǵy ahýal ýshyǵa tústi. Bul jaǵdai árine, bizdi de alańdatady. Barlyǵymyz el ishinde jáne ainalamyzda turaqtylyq bolǵanyn qalaimyz. Sondyqtan álemde bolyp jatqan oqiǵalardan sabaq alýymyz kerek. Eldiń bereke-birligi men amandyǵy bárinen qymbat. Ásirese, bul qazirgidei kezeńde óte mańyzdy. Álemdi jailaǵan pandemiiaǵa jáne ekonomikalyq daǵdarysqa tótep berý úshin memleket barlyq qajetti sharalardy qabyldaýda. Biraq bul jumys búkil el bolyp, jumyla bilsek qana óz nátijesin beredi», - dedi Prezident koronavirýs indetiniń ekinshi kezeńine daiyndyq máseleleri boiynsha keńeste sóilegen sózinde.
Memleket basshysy «Tórteý túgel bolsa, tóbedegi keledi» degen, babalardan qalǵan naqyldy eske saldy.
«Bizdiń barlyq jetistikterimiz, eń aldymen, aýyzbirshiliktiń arqasy. Osyny umytpaǵan jón», - dep túidi Prezident.
