Elbasy Nursultan Nazarbaev XII qysqy Paralimpiada oiyndarynda jeńiske jetken Aleksandr Koliadinge quttyqtaý jedelhatyn joldady, dep habarlaidy "Ult aqparat" Aqordaǵa silteme jasap.
Memleket basshysy Nursultan Nazarbaev XII qysqy Paralimpiada oiyndarynda altyn medal ielengen shańǵyshy Aleksandr Koliadindi quttyqtady.
«Bul jarqyn jeńis Qazaqstannyń milliondaǵan jankúierine qýanysh syilap, elimiz úshin maqtanysh sezimin uialatady. Seniń jetistigiń Qazaqstan sportynyń tarihyna enip, óskeleń urpaqqa laiyqty úlgi bolary sózsiz», - delingen jedelhatta.
Qazaqstan Prezidenti sportshyǵa zor densaýlyq pen amandyq tilep, sportta jańa jetistikterge jetýine tilektestik bildirdi.
