Aqordada Memleket basshysy Qasym-Jomart Toqaevtyń qatysýymen ótken jedel áreket etý shtabynyń otyrysynda ákimder azyq-túlik baǵasynyń qymbattaýyna jol bermeýge mindetteldi, dep habarlaidy "Ult aqparat" Aqordanyń resmi saityna silteme jasap.
«Úkimet iri otandyq kásiporyndarmen birlese otyryp, óndiristi qoldap, ulǵaityp, jumys oryndaryn saqtaý boiynsha daǵdarysqa qarsy maqsatty jospardy ázirleidi. Memleket basshysy jergilikti taýarlar men jumys kúshin tartý arqyly infraqurylymdyq, áleýmettik nysandardy, jergilikti mańyzy bar joldardy jóndeýdi kózdeitin Jumyspen qamtýdyń jol kartasyn júzege asyrýǵa 300 mlrd teńge bólýdi tapsyrdy», - delingen Aqordanyń resmi saitynda.
Sonymen qatar qarjylyq naryqty retteý jáne damytý agenttigi men Ulttyq bank qazaqstandyq biznesti nesieleýdi azaitýǵa jol bermeýge mindetteldi. Al óńir ákimderine azyq-túlik baǵasynyń qymbattaýyna jol bermeý tapsyryldy.
Eske sala ketsek, búgin Aqordada Memleket basshysy Qasym-Jomart Toqaevtyń qatysýymen jedel áreket etý shtabynyń otyrysy ótkizildi. Otyrysta Memleket basshysy balasymen úide otyrýǵa májbúr ata-analardy aqy tólenetin eńbek demalysyna jiberýdi tapsyrdy.
Sonymen qatar Prezident laýazym ieleri men memqyzmetshilerge shetelge issaparǵa shyǵýǵa tyiym saldy.
