Memleket basshysy adam quqyqtary jónindegi ýákil Elvira Ázimovany qabyldady, dep habarlaidy Aqorda.
Qasym-Jomart Toqaevqa ombýdsmen ofisiniń quqyq qorǵaý qyzmeti baǵytynda atqaryp jatqan jumystary, onyń ishinde, Memleket basshysynyń tapsyrmasy boiynsha qabyldanǵan mańyzdy sheshimder jaiynda baiandaldy.
Bul sheshimder azamattardyń quqyqtaryn qorǵaýdyń konstitýtsiialyq kepildigin odan ári nyǵaitýǵa baǵyttalǵan.
Elvira Ázimova Prezidentke áielderdiń, balalar men múmkindigi shekteýli jandardyń quqyqtaryn qorǵaý boiynsha zańnamalyq jáne atqarýshy deńgeilerde qabyldanatyn sharalar týraly aqparat berdi.
Kezdesý barysynda quqyq qorǵaý qyzmetimen ainalysatyn úkimettik emes uiymdardy qoldaýdy keńeitý, qylmystyq zańnamany izgilendirý saiasatyn jalǵastyrý, sondai-aq, Adam quqyqtary baǵytyndaǵy zań shyǵarý protsesine Ýákildi jáne azamattyq qoǵam ókilderin tartý jónindegi usynystar qaraldy.
Kezdesýde «Ombýdsmen týraly» zań qabyldaý jóninde aitylyp, Ýákil institýtyna memlekettik qoldaý kórsetý jáne onyń áleýetin óńirler deńgeiinde nyǵaitý máselesi talqylandy.
Prezident azamattardyń tikelei qatysýymen qoǵamdyq baqylaý túrleriniń biri retinde 2014 jyly qurylǵan Azaptaýlar men qatygezdikti boldyrmaý boiynsha ulttyq aldyn alý tetiginiń qyzmetin jalǵastyrýdyń mańyzyn atap ótti.
Memleket basshysy azamattardyń buzylǵan quqyqtary men zańdy múddelerin qalpyna keltirýge járdemdesý qajettigin aityp, Úkimet ázirlegen «Qoǵamdyq baqylaý týraly» zań jobasy aiasynda qajetti sharalar qabyldaýdy tapsyrdy.
