Astana qalasynyń mamandandyrylǵan aýdanaralyq ákimshilik soty laýazymdy tulǵaǵa syilyq jasaýǵa sheshim qabyldaǵan áielge 336 700 teńge kóleminde aiyppul saldy, dep habarlaidy Memlekettik qyzmet isteri jáne sybailas jemqorlyqqa qarsy is-qimyl agenttigi.
Agenttiktiń Astana qalasy boiynsha departamentiniń mamandary azamatsha A.-ǵa QR AShM Agroónerkásiptik keshendegi memlekettik inspektsiia komitetiniń Astana qalasy aýmaqtyk inspektsiiasynyń qyzmetkerine zańsyz materialdyq syiaqy bergeni úshin ákimshilik hattama toltyrdy.
Ákimshilik isti júrgizý materialdaryna sáikes 2018 jylǵy 3 qyrkúiekte azamatsha A. sol jerdegi karantindik ónimderdiń fitosanitarlyq jaǵdaiyn mindetti tekserýsiz Qazaqstannan tys jerlerge karantinge jatqyzylatyn ónimderdi shyǵarý týraly fitosanitarlyq sertifikatty rásimdeý maqsatynda Aýmaqtyq inspektsiianyń memlekettik inspektoryna onyń uialy telefonyna 3000 teńge balans aýdaryp, tekserý júrgizýdi qashyqtyqtan, iaǵni beineqońyraý arqyly júrgizýge ótinish jasaǵan.
Atalǵan usynys memlekettik inspektordyń uialy telefonyna «WhatsApp» mobildi qosymshasy arqyly kelip túsken.
Memlekettik inspektor bolǵan oqiǵany óziniń tikelei basshysyna dereý habarlap, túsken 3000 teńgeni arnaiy memlekettik qorǵa jibergen.
Sýdia ákimshilik quqyq buzýshylyq týraly isti qaraý nátijesi boiynsha azamatsha A.-ǵa Qazaqstan Respýblikasynyń Ákimshilik quqyq buzýshylyq týraly kodeksiniń 676-babynda kózdelgen ákimshilik quqyq buzýshylyq jasaǵany úshin ákimshilik jaýapqa tartýǵa jáne ákimshilik jazany 200 AEK kóleminde ákimshilik aiyppul túrinde ákimshilik sharaǵa tartý týraly qaýly shyǵardy.
Sot otyrysynda azamatsha A. kinásin tolyq moiyndap, jasaǵan isine ókindi.
Ákimshilik quqyq buzýshylyq týraly QR Kodeksiniń 829-11-babyn basshylyqqa ala otyryp, sottalýshynyń materialdyq jaǵdaiyn, azamatsha A.-nyń buryn ákimshilik jaýapkershilikke tartylmaǵanyn eskere otyryp aiyppul mólsheri 30%-ǵa qysqartylǵan.
Sybailas jemqorlyq quqyq buzýshylyq faktisin habarlaǵan tulǵa qoldanystaǵy erejelerge sáikes kótermelenýge usynyldy.
Atap ótý kerek, atalǵan jaǵdaiǵa uqsas faktiler Astanada memlekettik kiris organdarynyń qyzmetkerlerin yntalandyrý áreketi barysynda tirkelgen, nátijesinde para berýshiler 200 AEK mólsherinde ákimshilik jaýapkershilikke tartyldy.
Eske salamyz, QR Memlekettik qyzmet isteri jáne sybailas jemqorlyqqa qarsy is-qimyl agenttiginiń janynda táýlik boiy 1424 call-ortalyǵy jumys isteidi.
Eger Siz laýazymdy tulǵalar tarapynan qorqytyp alýshylyqtyń qurbany bolsańyz nemese Sizdi para alýǵa májbúrlegen jaǵdaida árqashan kórsetilgen nómirge habarlasýǵa bolady.
Quzyretti operatorlar sybailas jemqorlyqqa qatysty máseleler boiynsha tegin konsýltatsiialyq qoldaý kórsetedi jáne sybailas jemqorlyq quqyq buzýshylyq týraly habarlamalardy telefon arqyly qabyldaidy.
