Astanada kásipker áieldiń zańsyz syilyǵy týraly habarlaǵan memlekettik qyzmetshi aqshalai kótermeleýge usynyldy. Bul týraly QR Memlekettik qyzmet isteri jáne sybailas jemqorlyqqa qarsy is-qimyl agenttiginen málim etti, dep xabarlaidy "Ult aqparat".
«Biyl qyrkúiek aiynda kásipker áiel zertxanalyq zertteýdi júrgizbei, fitosanitarlyq kýálikti alý úshin Aýyl sharýashylyǵy ministrligi Memlekettik inspektsiia komitetiniń aýmaqtyq inspektorynyń telefonyna 3 myń teńgege balans salyp bergen. Inspektor ol týraly birden agenttikke xabarlaǵan. Astana qalasynyń mamandyrylǵan aýdanaralyq ákimshilik sotynyń sheshimimen atalǵan azamatshaǵa 336 700 myń kóleminde aiyppul salyndy. Al sybailas jemqorlyq faktisi týraly xabar bergen memqyzmetshi qoldanystaǵy erejege sáikes aqshalai kótermeleýge usynyldy», - deidi agenttiktiń Memlekettik qyzmet salasyndaǵy baqylaý departamentiniń basshysy Ravil Tiýlebaev.
Onyń aitýynsha, biyl zańsyz syilyqtardy usynǵany úshin 28 jeke tulǵa ákimshilik jaýapkershilikke tartyldy. Al zańsyz syilyqty alǵany úshin 5 laýazymdy tulǵa zań aldynda jaýap berdi. Olar jalpy somasy 16,1 mln teńgeniń aiyppulyn tóleýge mindetteldi.
