QR Memlekettik qyzmet isteri jáne sybailas jemqorlyqqa qarsy is-qimyl agenttigi memlekettik qyzmet salasyn baqylaý departamentiniń direktory Ravil Tólebaev memlekettik organdarda qyzmetkerlerge jumys ýaqytynan tys artyq jumys istetý máselesimen qalai kúres júrgizilip jatqanyn aityp berdi, dep habarlaidy QazAqparat tilshisi.
«Ózderińiz biletindei, Memleket basshysy óz Joldaýynda memlekettik qyzmet isterindegi máseleler aitylǵan bolatyn. Qyrkúiek-qazan ailarynda júrgizilgen taldaý jumystary kórsetip otyrǵandai, kóptegen ministrlikterde bul rette másele kóp. Sebebi, memlekettik qyzmetshilerdiń tarapynan jumys ýaqytynan tys júkteme barshylyq. Bul máselege áli de atústi qaralyp keledi. Ulttyq ekonomika, Aýyl sharýashylyǵy, Densaýlyq saqtaý ministrlikterinde jumys ýaqytynan tys artyq atqarylar jumys mólsheri aýqymdy», - dedi spiker tilshilerdiń suraǵyna jaýap bere otyryp.
Ol sonymen birge, ministrlikterde kompiýterlerdi avtomatty túrde óshirý tártibi ornatylǵanymen, bul shara kómektespei otyrǵanyn alǵa tartady.
«Sonymen birge, memlekettik qyzmette yńǵaily keste engizý máselesi de qaralady. Iaǵni, memlekettik qyzmetshiler arasynda saýalnama júrgize otyryp, atalmysh kesteni qyzmetkerlerge engizýdi kózdep otyrmyz. Ol boiynsha qyzmetker tańerteń erte jumysqa kelip, túsi as ýaqytyn qysqartyp, erte kelse erte jumystan shyǵa alatyndai bolsa deimiz. Memlekettik qyzmette bul nusqany da engizýge tyrysamyz», - deidi departament basshysy.
Ravil Tólebaevtyń aitýyna qaraǵanda, saýalnama nátijesi kórsetkendei memlekettik organdardaǵy keibir memlekettik qyzmetshiler jumysqa erte kelip erte ketýdi qolaily kórse, keibiri jai kelip jai ketýdi jón sanaidy.
«Jalpy, saýalnamaǵa barlyq memlekettik organdardyń qyzmetkerleri qatysyp jatyr. Saýalnama qazan aiyny sońynda bastalǵan bolatyn. Keibir ministrlikterle tipti 1000 saǵattyq artyq jumys anyqtalyp otyr», - deidi sarapshy.
Ravil Tólebaev atap ótkendei, qyzmetkerlerin jumystan tys ustaǵan jáne osy úshin artyq aqy tólemegen basshylyq úshin ákimshilik jaýapkershilik qarastyrylǵan.
Eske sala ketsek, Memlekettik qyzmetshilerdiń quqyqtaryn saqtaý úshin ministrlikterde jumys kompiýterlerin saǵat 18.30-da avtomatty túrde sóndirý júiesi engizilgenimen, budan bylai memlekettik qyzmetshiler jumysty uzartý múmkindigine ie bolyp otyrǵanyn jazǵan edik.
