QR Memlekettik qyzmet isteri agenttiginiń tóraǵasy Anar Jaiylǵanova jumystan qysqaryp qalmaityn memlekettik qyzmetshilerdiń sanatyn atady, dep habarlaidy QazAqparat.
«Áleýmettik turǵyda álsiz jáne qysqarýǵa jatatyn memlekettik qyzmetshilerdiń qorǵalýyn qamtamasyz etý kerek. Qazirgi ýaqytta Eńbek kodeksine sáikes jumystan aiaǵy aýyr áielder, úsh jasqa deiingi balasy bar áielder, jalǵyzbasty analar, bala tárbielep otyrǵan basqa da adamdar, sonymen birge zeinet jasyna 2 jyl ýaqyt qalǵan adamdar qysqartylmaidy», - dedi Anar Jaiylǵanova OKQ-da ótken baspasóz máslihatynda.
Onyń aitýynsha osyǵan bailanysty memlekettik qyzmetshilerdiń joǵaryda atalǵan quqyqtarynyń qorǵalýyna baqylaý júrgiziledi.
«Sondai-az memlekettik qyzmet týraly zańǵa sáikes memlekettik qyzmette úsh jyldyq ótili bar adamdarǵa jumystan shyǵarda ortasha ailyqtyń tórt eselengen mólsheri beriledi. Bul norma tájiribeli qyzmetkerlerdi júiede qaldyrýǵa yntalandyrýǵa baǵyttalǵan», - dedi spiker.
Anar Jaiylǵanova memlekettik organdardyń basshylaryna jumystan qysqartý kezinde áleýmettik turǵyda az qamtylǵan azamattardy alyp qalýǵa keńes beriletinin jetkizdi.
