Aldaǵy ýaqytta memlekettik qyzmetkerlerdiń qarapaiym azamattarmen telefon arqyly sóilesý erejesi daiyndalady, dep habarlaidy Baq.kz agenttigi.
Bul týraly QR Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Alik Shpekbaev málim etti. Aldymen ol memlekettik qyzmettiń bedelin ósiretin kez jetkenin atap ótti.
«Meniń oiymsha, memlekettik qyzmetke «abyroi» túsinigin engizetin kez jetti. Memlekettik qyzmetker sútten aq, sýdan taza bolyp qana qoimai, adamdarǵa adamshergilikpen qaraýy tiis. Ol otbasyna qalai qarasa, barlyǵyna da solai qaraýy shart. Sol kezde memlekettik qyzmetke degen senim artyp, onyń abyroi kúsheiedi», - dedi tóraǵa Memlekettik qyzmet isteri jáne sybailas jemqorlyqqa qarsy is-qimyl agenttiginiń 2018 jyldy qorytyndylaýǵa arnalǵan otyrysynda.
Osy oraida Alik Shpekbaev memlekettik qyzmetkerler úshin jańa ereje daiyndalatynyn jetkizdi.
«Eger teatr kiim ilgishten bastalsa, azamattarmen qarym-qatynas telefon trýbkasyn kóterýden bastalady. Memlekettik qyzmetker keibir jaǵdaida telefon trýbkasyn kóterip, nemqurailylyqpen sóilesedi. Osy jaǵdaidy ózgertý úshin memlekettik qyzmetkerlerdiń kommýnikativti quzyretin daiyndap, ony aldaǵy ýaqytta memlekettik organdarǵa jiberemiz. Qarapaiym tilmen aitqanda, memlekettik qyzmetkerlerdiń azamattarmen sóilesý erejesi daiyndalady», - dedi ol.
Sóz sońynda tóraǵa azamattardyń dástúrli túrde habarlasý formasynyń ornyna Facebook, Telegram, WhatsApp syndy zamanaýi bailanys quraldary paidalaný mańyzdy ekenin jetkizdi.
