Mektepterde merekelik sharalar ótpeidi. Bul týraly Ortalyq kommýnikatsiialar qyzmetinde ótken brifingte QR DSM Sanitarlyq-epidemiologiialyq baqylaý komitetiniń tóraiymy Aijan Esmaǵambetova aitty, dep habarlaidy "Ult aqparat".
«Mektepke baryp oqyp júrgen oqýshylar úshin mektepte jańajyldyq merekelik sharalar ótpeidi», - deidi Aijan Esmaǵambetova.
Sondai-aq, ol 1 jáne 16 jeltoqsandaǵy mereke kúnderi qosymsha karantindik shekteýler bolatyn-bolmaitynyn aitty.
«Qosymsha shekteý sharalary sońǵy eki aptada aýyrǵandar sanynyń ósýine bailanysty qabyldandy. Osy ýaqyttaǵy bizdiń maqsat – karantin talaptaryn oryndaý. Qazirgi epidemiologiialyq jaǵdaidy eskere otyryp, ázirge qosymsha karantin sharalary qabyldanbaidy. Mundai sharalar ár óńirdegi epidemiologiialyq ahýalǵa bailanysty bolady. Al jaǵdaidyń qalai bolatyny bizdiń árqaisysymyzǵa bailanysty», - deidi ol.
