Mektepterge reidtik sharalar júrgizilip jatyr degen aqparat jalǵan. Bul týraly BQO bilim basqarmasy málim etti, dep habarlaidy "Ult aqparat".
Kesheden beri áleýmettik jelilerde mektepterde, dúkender men avtobýstarda júrgen oqýshylardy anyqtaý maqsatynda reid sharalary júrgizilip jatqany jóninde aqparat taralýda.
Onda «Balanyń mektepte bolǵany anyqtalsa, sol oqý orny jazaǵa tartylyp, dúken ne avtobýsta júrse, ata-anasyna aiyppul salynady» delingen.
«Bul jalǵan. Óńir turǵyndaryn memlekettik buqaralyq aqparat quraldarynan jáne bilim basqarmasynyń resmi paraqshalarynan basqa jerlerde jariialanǵan aqparattarǵa senbeýge shaqyramyz. Ótinishter men saýaldardy BQO bilim basqarmasynyń Facebook-tegi jáne Instagram-daǵy paraqshasyna jiberýge bolady. Sondai-aq +7 (71-12)-31-23-38, 8-747-112-74-07 bailanys telefony arqyly basqarmanyń Call-ortalyǵyna habarlasýǵa bolady», dedi basqarmanyń baspasóz qyzmeti.
Eske sala keteiik, budan buryn koronavirýsqa bailanysty BQO-da jedel shtab jumys istep jatqanyn, óńirde 89 adamnyń baqylaýda ekendigin, indet tirkelmegenin jazǵan bolatynbyz.
