Biyl jańa oqý jylynan bastap mektep oqýshylaryna ekologiia saǵaty ótetin bolady. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«El Prezidenti Qasym-Jomart Toqaev balalarǵa ekologiialyq bilim berý jáne tárbieleý boiynsha tapsyrma júktedi. Qazirgi ýaqytta sarapshylarmen birlesip, ekologiialyq bilim berý jáne tárbie boiynsha tolyqqandy tujyrymdama daiyndaimyz. Salalyq ministrlikpen birlesip, sarapshylarmen birneshe kezdesý ótkizip, talqyladyq. Osy jyldan bastap biryńǵai baǵdarlama boiynsha ekologiiaǵa qatysty synyp saǵattary bastalady jáne mektep baǵdarlamasyna ekologiialyq bilim berý máselesi yqpaldastyrylatyn bolady», - dedi ministr pedagogtar men bilim jáne ǵylym salasy qyzmetkerleriniń respýblikalyq tamyz keńesi barysynda.
Onyń atap ótýinshe, aldaǵy ýaqytta ekologiia saǵattary mektepke deiingi bilim berý uiymdarynda da oqytylmaq.
