© Sputnik / Anatolii Ýstinenko
Bilim jáne ǵylym ministri Ashat Aimaǵambetov ata-analar jinalysyn ótkizýdiń jańa formatyna kóshý kerek ekenin aitty, dep habarlaidy Sputnik Qazaqstan.
"Barlyq mektep ata-analar jinalysyn ótkizýdiń jańa formatyna kóshýi kerek. Olardy jinap alyp, basqa adamdardyń kózinshe balanyń úlgerimi men tártibin talqylaýdan arylǵan jón. Onyń ornyna jeke, toptyq nemese ujymdyq formatta uiymdastyrǵan tiimdi", - dep málimdedi Aimaǵambetov apparat jinalysynda.
Ministrdiń aitýynsha, árbir ata-anaǵa muǵalimnen óz balasynyń jetistikteri men álsiz tustary týraly tolyq aqparat alatyndai jaǵdai jasaý qajet.
"Ol úshin ata-analarmen qarym-qatynasty jańasha júrgizý mańyzdy", - dedi ministr.
Buǵan deiin Ashat Aimaǵambetov endi aǵylshyn tili 1-synyptan emes, 3-synyptan bastap oqytylatynyn málimdedi. Bul ózgeris biyl birinshi qyrkúiekten bastap engiziledi degen jospar bar.
