Qazaqstanda oqýshylardy qashyqtan oqytýdyń ekinshi aptasy aiaqtaldy.
«Onyń qorytyndysy qandai, sabaq qalai ótip jatyr jáne qansha oqýshynyń kompiýtermen qamtamasyz etilgeni týraly materialdan oqyńyzdar», dep jazady QR Úkimetiniń resmi saitynda.
QR bilim jáne ǵylym vitse-ministri Sholpan Karinova atap ótkendei, IV toqsannyń ekinshi aptasynyń qorytyndysy qashyqtan oqytý rejiminde barlyq mektepter jumys istep jatqanyn kórsetedi.
Esterińizge sala keteiik, qashyqtan oqytý birneshe formatta júrgiziledi:
1. Internet-platformalar arqyly jumys isteý;
2. «El arna» jáne «Balapan» telearnalary arqyly ótkiziletin televiziialyq sabaqtar;
3. «Qazaq radiosy» radioarnasy arqyly oqytý;
4. Poshta arqyly oqytý. Qazaqstanda 5-10 bala turatyn jáne mektebi joq 1000-nan astam eldi meken bar. Buǵan deiin bul balalar sabaq oqý úshin tirek eldi mekenderge kún saiyn jetkiziletin. Mundai eldi mekenderge oqý materialdary men tapsyrmalar poshta bailanysy arqyly jiberiledi jáne keri bailanys ta osylai ornaidy.
Sh. Karinovanyń aitýynsha, búgingi tańda 2,4 mln-nan astam oqýshy men pedagog «Bilimland», «Daryn Online», «Kundelik» internet-platformalaryn paidalanady.
Qazirgi ýaqytta jergilikti atqarýshy organdar mektepterde bolǵan 250 myń kompiýterdi taratyp berdi. 11 myńnan astam jańa kompiýterler satyp alyndy, olar da oqýshylar men pedagogtar arasynda úlestiriledi. Sonymen qatar, oqýshylar tegin internetpen qamtamasyz etiledi.
800 myńnan astam oqýshy ekinshi format boiynsha bilim alýda — televiziialyq sabaqtardy qaraidy. Bul sanattaǵy oqýshylar úshin muǵalimder qoljetimdi messendjerler men «Kundelik» elektrondyq jýrnaly arqyly keri bailanys ornatady.
Búginde «El arna» jáne «Balapan» telearnalary arqyly 700-den asa sabaq kórsetildi. IV toqsandy tolyq jabý úshin 3 360-tan asa telesabaq túsirý kerek. Nur-Sultan qalasynyń mektepteriniń jáne Nazarbaev ziiatkerlik mektepteriniń pedagogteri sabaqtardy túsirý jumystaryn jalǵastyrýda.
«Búginde biz ata-analardyń tarapynan belsendiliktiń artqanyn kórip otyrmyz. Pedagogter men ata-analarǵa qashyqtaǵy formatta júrgizip jatqan jumystary úshin taǵy da alǵys aityqymz keledi», — dedi Sh. Karinova.
Qashyqtan oqytý kezindegi BJB jáne TJB
Sholpan Karinova qashyqtan oqytýda mektep oqýshylarynyń bólim boiynsha jiyntyq baǵalaý (BJB) men toqsandyq jiyntyq baǵalaýdy (TJB) tapsyrý qarastyrylǵanyn habarlady. Bul rette, osy toqsanda BJB tek bir ret ótkiziledi.
«Elimizdegi barlyq mektepterde IV oqý toqsanynyń ortasynan bastap BJB emtihany ótkiziletin bolady, al toqsan sońynda TJB ótkiziledi», — dedi vitse-ministr.
Buǵan deiin belgili bolǵandai, biyl 9,11 synyptardyń túlekteri qorytyndy jáne memlekettik emtihandardy tapsyrmaidy. Negizgi orta jáne jalpy orta bilim týraly attestattar olarǵa jyldyq baǵanyń negizinde beriletin bolady.
Sońǵy qońyraýǵa kelsek, vitse-ministr atap aitqandai, 2020 jyly eger qashyqtan oqytýǵa bailanysty jaǵdai ózgermeitin bolsa, bul shara ótkizilmeidi.
