Mektepter beinebaqylaý júiesimen 100 paiyz qamtamasyz etildi. Bul týraly Bilim jáne ǵylym ministrliginiń alqa májilisinde vedomstvo basshysy Ashat Aimaǵambetov málim etti, dep habarlaidy "Ult aqparat".
«Orta bilim berýde jańartylǵan mazmunǵa kóshý aiaqtaldy, 100 paiyz kóshtik. Balalardyń qaýipsizdigin qamtamasyz etý maqsatynda barlyq óńirde mektepterdi beinebaqylaý júiesimen 100 paiyz, jyly ájethanalarmen 99 paiyz qamtamasyz etildi», - dedi ministr.
Onyń aitýynsha, orta bilim berý júiesiniń negizgi problemalarynyń biri - ol qala jáne aýyl mektepteri arasyndaǵy bilim sapasynyń alshaqtyǵy.
«Osy máseleni sheshý joldaryn pysyqtadyq. Sonyń ishinde «Oqýǵa qushtar mektep» jobasyn iske qosyp jatyrmyz. Onyń aiasynda memlekettik tildegi kórkem ádebiettiń mektep kitaphana qorynda aitarlyqtai jańartý mindeti tur. Osy baǵyttaǵy jumystardy biyl sheshý kerek. Sonymen qatar, kitaphanashylardyń jalaqysyn kóterý máselesi de óte mańyzdy. Bul boiynsha tiisti tapsyrmany Memleket basshysy júktegen edi. Sondyqtan osy jumysty biyl jalǵastyramyz», - dedi Aimaǵambetov.
