Almatyda jasóspirim qyzdy tonap ketken er adam ustaldy, dep habarlaidy QazAqparat.
Almaty qalalyq Politsiia departamentiniń málimetinshe, kámeletke tolmaǵan qyzdyń anasy politsiiaǵa aryz túsirgen.
Onyń aitýynsha, qyzy mektepten kele jatqanda belgisiz bireý onyń qolynan IRhone uialy telefonyn tartyp alǵan. Politsiia qyzmetkerleriniń jedel áreketi nátijesinde kúdikti qamaýǵa alyndy.
«Politsiiaǵa jetkizilgen 28 jastaǵy kúdikti kinásin moiyndady. Aiǵaqty zat retinde telefon tárkilendi jáne iesine qaitaryldy. Ustalǵan azamat ýaqytsha ustaý izoliatoryna qamaldy. Atalǵan fakti boiynsha QR QK-niń 191-baby 1-bóligine sáikes qylmystyq is qozǵaldy», – dedi Almaty qalalyq Politsiia departamenti Kriminaldyq politsiia basqarmasynyń bastyǵy Qýatbek Naýatov.
Qazir kúdiktiniń osyǵan uqsas buryn jasalǵan qylmystarǵa qatystylyǵy anyqtalyp jatyr.
