Foto: pexels.com
Petropavlda mekteptegi shabýyl áleýmettik jelilerdegi oiynmen bailanysty degen aqparat tarap jatyr, dep habarlaidy Sputnik Qazaqstan.
№4 mekteptegi tótenshe jaǵdaidan keiin ata-analar chatynda oqýshy "Lesorýb" oiynyn oinaǵany týraly habarlamalar jappai tarai bastady. Oiyn sharty boiynsha birneshe adamdy jaralaý qajet eken. Sondai-aq oiyn bastalǵany týraly skrin qosa jiberilýde.
Ata-analar chatynda taraǵan skrin
Oblystyq ákimdiktiń baspasóz qyzmeti telefon ekranynan jasalǵan skrindi teksergenin málimdedi. Anyqtalǵandai, qaýipti oiynnyń Petropavl mektebinde bolǵan oqiǵaǵa esh qatysy joq.
Aita keteiik, búgin 9-synyp oqýshysy mektepke baltamen kelip, úsh balany jaraqattady. Jasóspirimder basynan jáne iyǵynan jaraqat alǵan.
