© Photo : Rixabay
Túrkistan oblysynyń Saryaǵash aýdanynda muǵalim sirke sýyn iship, óz-ózine qol jumsamaq boldy, dep habarlaidy Sputnik Qazaqstan oblystyq politsiia departamentine silteme jasap.
Oqiǵa 20 qańtarda bolǵan. Politseilerdiń aitýynsha, ol áriptesteriniń arasynda bolǵan kikiljińge bola osyndai áreketke barǵan. Jábirlenýshi politsiiaǵa bergen aryzynda "áriptesterim namysyma tidi" dep jazǵan.
Saryaǵash aýdandyq aýrýhana dárigerleri naýqastyń qazirgi jaǵdaiy turaqty deidi.
"Naýqas terapiia bólimine jatqyzyldy. Aýyz qýysy kúiip, sozylmaly búirek aýrýy órshigen, oǵan qosa ortasha deńgeide qan azdyq aýrýyna shaldyqqan degen diagnoz qoiyldy. Qazirgi jaǵdaiy qanaǵattanarlyq", - deidi Saryaǵash aýdandyq aýrýhanasy terapiia bóliminiń meńgerýshisi Quralai Ábilmájinova.
Qazirgi tańda politsiia "Ózin-ózi óltirýge deiin jetkizý" baby boiynsha isti tirkedi. Jábirlenýshige qatysty sot-meditsinalyq saraptama taǵaiyndalyp, sotqa deiingi jan-jaqty tergeý júrgizilip jatyr.
