Sýret: Almaty.tv
Senator Aigúl Qapbarova bilim berý salasyndaǵy jemqorlyq máselesin kóterdi, dep habarlaidy "Ult aqparat".
"Sybailas jemqorlyqqa qarsy qyzmeti bilim berý salasynda júrgizilgen syrtqy taldaý nátijesi boiynsha eńbekaqy tóleý qorynan biýdjet qarajatyn jymqyrýdyń shemasyn ashqany belgil. 2020-2024 jyldar aralyǵynda 511 sybailas jemqorlyq qylmystyq is tirkegen. Ásirese, 2023 jyly eń iri sybailas jemqorlyq pen jymqyrý faktileri óńirlerdegi bilim bólimderi men uiymdarynda anyqtalyp, memleketke keltirilgen zalal 12,5 mlrd teńgeni quraǵan. Nátijesinde qylmystyq isti bolyp jatqan mektep býhgalterleriniń sany kóp", - dedi depýtat.
Aigúl Qapbarova sońǵy úsh jylda memleket qazynasyna bilim salasyn damytýǵa 12,1 trln teńge bólingenin eske saldy.
"Keshendi áleýmettik qoldaý sharalaryna qaramastan, bilim berý salasy jemqorlyq táýekelderi joǵary salalardyń biri bolyp qalyp otyr. Bilim berý uiymdaryndaǵy salany qarjylandyrý tetikteri eńbekaqy qorynan biýdjet qarajatyn jymqyrýǵa, biýdjettik ónimderdi josparlaý men qalyptastyrýda jalaqyǵa jumsalatyn shyǵystardy artyq qarastyrýǵa múmkindik beredi. Búginde biýdjetti josparlaý isi aqsap tur. Osy rette memleketten eń kóp qarjylandyrylatyn sala retinde biýdjettik parametrlerdi qalyptastyrýda naqty qaǵidalarǵa negizdelgen júieli jumys qajet", - dedi senator.
Onyń dereginshe, jalpy bilim berý uiymdarynda 5 myńǵa jýyq pedagog tapshy.
"Osyndai qajettilik bar kezde mektep direktorlary óz tanystaryn jalǵan buiryqpen jumysqa alǵan, 8,8 mlrd teńgege jýyq qarajatty mektepterde jumys istemeitin jáne formaldy túrde jumysqa qabyldanǵan 464 tulǵaǵa zańsyz jalaqy, túrli járdemaqy tólengen. Onyń ishinde sarapshy ǵylymi qyzmetker, moderator men pán oqytýshylary siiaqty sanattar bar. Atalǵan faktiler boiynsha 35 qylmystyq is qozǵalǵan", - dep atap ótti Aigúl Qapbarova.
