Foto: Polisia.kz
Astanada terrorizm aktisi týraly paraqshalar taratqan oqýshynyń ata-anasy jaýapqa tartyldy, – dep habarlaidy Polisia.kz.
Media-portal málimetinshe, elordalyq mekteptiń muǵalimi 9-synyp oqýshysynyń úziliste basqa oqýshylarǵa mektep qabyrǵasynda zańsyz áreketterdi jasaýǵa shaqyratyn is-sharalar týraly paraqshalar taratyp jatqanyn baiqaǵany týraly aqparatpen politsiiaǵa júgingen. Oqiǵa ornyna jedel-tergeý toby dereý jiberilgen. Mán-jailardy anyqtaý barysynda jasóspirim ázil úshin kompiýterde mátin jazǵanyn jáne paraqshalardy basyp shyǵarǵanyn moiyndaǵan.
"Baiqońyr aýdanynyń politsiia basqarmasy QR QK-niń 273-baby 1-bóligi (Terrorizm aktisi týraly kórineý jalǵan habarlama) boiynsha sotqa deiingi tergep-tekserýdi bastady. Tiisti saraptamalar taǵaiyndaldy.
Sonymen qatar oqýshynyń zańdy ókilderine qatysty QR ÁQBtK-niń 127-baby (Kámeletke tolmaǵan adamdy tárbieleý jáne (nemese) oǵan bilim berý, onyń quqyqtary men múddelerin qorǵaý jónindegi mindetterdi oryndamaýy) boiynsha ákimshilik is qozǵaldy. Astana qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynyń sheshimimen kámeletke tolmaǵannyń anasyna aiyppul salyndy" - delingen habarlamada.
Politsiia departamenti mundai áreketter úshin qylmystyq jaýapkershilik 14 jastan bastalatynyn eske salady. Balalardy tárbieleý boiynsha tiisti sharalardy qabyldamaǵany úshin ata-analar qoldanystaǵy zańnamaǵa sáikes ákimshilik jaýapkershilikke tartylatyn bolady.
