Almatyda 6-synyp oqýshysynyń mektepte jeke qorǵanysqa arnalǵan ballonnan buryshty ýyt shashýy saldarynan birneshe adam zardap shekti, dep habarlaidy QazAqparat.
Almaty qalalyq politsiia departamentiniń málimetinshe, atalǵan aqparat jedel basqarý ortalyǵyna búgin keshki saǵat 17: 25 minýtta kelip tústi. Áýezov aýdanyndaǵy orta mektepterdiń birinde 6-synyp oqýshysy – 2009 jyly týǵan K.esimdi bala úzilis kezinde jeke qorǵanysqa arnalǵan shaǵyn ballonnan buryshty ýyt shashty. Saldarynan tórt mektep oqýshysy men bilim berý mekemesiniń tazalyq qyzmetshisi meditsinalyq kómekke júgindi.
Oqiǵanyń mán-jaiy anyqtalyp jatyr.
