Shvetsiianyń Fagersta qalasyndaǵy mektepte baltamen shabýyl jasalyp, bir adam qaza tapty, dep habarlaidy ult.kz.
Oqiǵaǵa bailanysty 18 jastaǵy jas jigit kúdikke ilinip, ustaldy.
Jergilikti biliktiń málimetinshe, oqiǵa 21 tamyz kúni kúndiz bolǵan. Politsiia Brinell mektebine saǵat 14:00-den keiin shaqyrtý boiynsha barǵan. Shabýyl saldarynan eki jasóspirim aýyr jaraqat alǵan. Taǵy bir adam jeńil jaralanǵan.
SVT derekkózderine súienip habarlaǵandai, kúdikti buǵan deiin osy mektepte oqyǵan. Sondai-aq onyń shabýyl jasaǵany úshin sotty bolǵany belgili.
Brinell mektebi jazǵy demalystan keiin jaqynda ǵana qaita ashylǵan. Munda shamamen 500 oqýshy bilim alady.
Politsiia kúdiktini ustaý kezinde qyzmetkerler qarý qoldanǵanyn málimdedi. Keiin 18 jastaǵy jigit ustalǵan. Onyń aty-jóni ázirge jariialanǵan joq.
Shabýyldyń naqty sebebi belgisiz. Politsiia turǵyndarǵa budan ári qaýip joq ekenin habarlady.
