Qazirgi qoǵamda ómirdi tereń túsinetin, zaman talabyna sai damyǵan azamat qalyptastyrýda mektepke deiingi bilim men tárbieniń máni zor. Jas balǵyn urpaqqa tárbie berip, olardy ómirge belsendi etip shyǵarýda atqaratyn jumystardy júzege asyrý - bilikti tárbieshiniń qolynda. Táýelsiz el tiregi - bilimdi urpaq. Qazirgi balabaqsha jaǵdaiyndaǵy bilim berýdiń ulttyq modeline ótý - oqytý men tárbieleýdiń sońǵy ádis-tásilderin, jańa innovatsiialyq pedagogikalyq tehnologiiany igergen, shyǵarmashyl pedagog, oishyl tárbieshi bolýyn qajet etedi.
Osyǵan orai búgin Otyrar aýdanyndaǵy «Aqbol» balabaqshasynda «Mektepke deiingi uiymdaǵy pedagogikalyq kadrlardyń kásibi qyzmetinde tehnologiialardy qoldaný tiimdiligi» taqyrybyndaǵy oblystyq tájiribelik seminar ótti. Seminarǵa bolashaq urpaq tárbiesindegi mańyzdylyǵyn eskerip aýdan ákimi Erlan Aitahanov arnaiy baryp qatysyp, qutyqtaý sóz sóiledi.
«Qurmetti seminarǵa qatysýshylar, sizderdi búgingi aitýly mereke 1 jeltoqsan – Qazaqstan Respýblikasynyń Tuńǵysh Prezidenti kúni merekesimen shyn júrekten quttyqtaimyn. Elimizdiń Tuńǵysh Prezidenti Elbasy Nursultan Ábishuly Nazarbaevtyń saliqaly basshylyǵymen halqymyz Táýelsizdik Týyn biikke kóterdi. Ata Zańymyzdy, Rámizderimizdi jáne basqa da rýhani qundylyqtarymyzdy qasterlei otyryp, ómirimizdiń san salasyn damytý, jas memleketimizdiń abyroiyn asqaqtatý jolynda tamasha bastamalar ómirge keldi. Tuńǵysh Prezident kúnin ereksheligi sonda, ol - qazaq halqynyń memleket bolyp qalyptasýynyń mańyzdy kezeńin aiqyndaidy. Uly babamyz Ábý Nasyr ál-Farabi: «Adamǵa bilimmen qatar, tárbie berilýi kerek, tárbiesiz berilgen bilim – adamzattyń has jaýy», – degen eken. Urpaq tárbiesinde ejelden qalyptasqan halqymyzdyń jaqsy dástúrlerin oqyp úirený, ónege tutý, jas urpaqty izgilikke baýlý úlken jaýapkershilikti talap etedi. Ulttyq tárbieniń qudyretin qansha aitsaq ta, túgel aitý múmkin emes. Osyndai uly tárbie izgilikteri bala kezden, bula kezińnen bastaý almasa, keiin óte qiynǵa soǵatyny – dáleldeýdi qajet etpeitin aqiqat. Sondyqtan búgingi seminardan osy baǵytta mol tájiribe almasyp, mańyzy zor jetistikterge qol jetkizedi degen senimdemin» - degen aýdan ákimi seminar jumysyna sáttilik tiledi.
Shara barysynda oblystyq ádistemelik ortalyǵynyń mektepke deiingi jáne bastaýysh bilim berý bóliminiń basshysy Qozygarina Jenis Sergeevna men bilim berý isiniń úzdigi, ardager ustaz Mariia Belgibaevalar sóz alyp, Táýelsizdigimizdi alyp, órkeniettilikke qulash sermegen búgingi tańda adamgershiligi mol, sapaly da salaýatty urpaq tárbieleýde balabaqshanyń alatyn orny erekshe ekenine toqtalyp, urpaq tárbiesi jaiynda óz oilarymen bólisti.
