9 (10) synyp oqýshylarynyń qorytyndy bitirý emtihandary 2021 jylǵy 28 mamyr men 5 maýsym aralyǵynda ótedi, dep habarlaidy "Ult aqparat".
QR Bilim jáne ǵylym ministrliginiń Telegram kanalynyń habarlaýynsha, oqýshylar qorytyndy attestattaýdy úsh pán boiynsha tapsyrady: oqytý tili boiynsha esse nysanynda jazbasha emtihan; matematikadan (algebradan) jazbasha emtihan; ózge tilderde oqityn synyptarda qazaq tili men ádebieti boiynsha jazbasha emtihan jáne qazaq tilinde oqytatyn synyptardaǵy orys tili men ádebieti boiynsha jazbasha emtihan.
11 (12) synyp oqýshylarynyń memlekettik bitirý emtihandary 2021 jylǵy 1-10 maýsym aralyǵynda ótedi. Mektep bitirýshiler tórt pán boiynsha emtihan tapsyrady: oqytý tili boiynsha esse nysanynda jazbasha emtihan; algebra jáne analiz bastamalary páninen jazbasha emtihan; Qazaqstan tarihynan testileý; ózge tilderde oqytatyn mektepterde qazaq tilinen jáne qazaq tilinde oqytatyn mektepterde orys tilinen testileý.
2020-2021 oqý jylyn 3,4 mln astam oqýshy aiaqtap jatyr. Olardyń ishinde 150 myńǵa jýyǵy — 11 (12) synyp túlekteri, 270 myńǵa jýyǵy — 9 synyp oqýshylary.
