Foto ashyq derekkózden alyndy
Qazaqstandyq oqýshylar arasynda keń taraǵan aýrýlardyń biri ataldy, - dep habarlaidy Tengrinews.kz.
Oqý-aǵartý ministrligi Qarjy jáne biýdjetti josparlaý departamentiniń direktory Ǵalymjan Moldash Densaýlyq saqtaý ministrliginiń málimetine sáikes, keiingi jyldary oqýshylar arasynda skoliozben syrqattanýshylyqtyń ósýi baiqalǵanyn aitty. Onyń sózinshe, sebepterdiń biri - mektep jihazyn ornalastyrý kezinde oqýshylardyń boi jáne jas erekshelikterin eskermeý.
"Keiingi jyldary mektep oqýshylary arasynda skolioz aýrýy eki ese ósti. Sondyqtan "Jaily mektep" ulttyq jobasy aiasynda jihazǵa basa nazar aýdaryldy. Sonymen qatar balalardyń fizikalyq aýyrtpashylyǵyn azaitý jáne olardy yńǵaily etý úshin mektep kerek-jaraqtary aýystyrylyp, barlyq mektepte kiim saqtaýǵa arnalǵan jeke shkaftar bolady. Mektepterdiń ár qabatynda aýyzsý burqaqtary ornatylady", - dedi Ǵalymjan Moldash.
Bilim ministrligi ókiliniń aitýynsha, erekshe qajettilikteri bar balalarǵa jaǵdai jasaý maqsatynda árbir mektep pandýs, lift, kótergishter men sanitarlyq toraptarmen jabdyqtalady.
"Qazirgi ýaqytta mektepterdiń eshqaisynda lift joq. Sondyqtan, balalarǵa jaǵdai jasaý úshin endi salynatyn barlyq mektep liftpen jáne qurylǵylarmen jabdyqtalýy kerek. Ulttyq jobany iske asyrý úshin 30-dan asa memlekettik organdar men uiymdar jumyldyryldy. Olardyń árqaisynyń róli men jaýapkershiligi anyqtaldy. Oqý-aǵartý ministrligi ulttyq jobanyń sapaly iske asyrylýyn qadaǵalap, ádistemelik qoldaý kórsetedi. "Samuryq-Qazyna" jáne óńirlerdiń ákimdikteri mektepterdiń sapaly qurylysy men olardy paidalanýǵa óz ýaqytynda berýge jaýapty", - dep túiindedi ol.
