Ótken jyly mektep kitaphanalarynyń qoryna satyp alynǵan ádebietterdiń 71 paiyzy qazaq tilinde. Bul týraly «Oqýlyq» respýblikalyq ǵylymi-tájiribelik ortalyǵynyń direktory Eldos Nurlanov aitty, dep habarlaidy QazAqparat.
«Ótken jyldyń qańtary men jeltoqsany aralyǵyndaǵy kezeńdi bólip qarasaq, memlekettik tilde satyp alynǵan ádebiettiń úlesi 71, al orys tilinde 23 paiyzǵa tek. Qalǵan 6 paiyzy - aǵylshyn tilinde. Eger janrlarǵa bólsek, basym bóligi – 87 paiyzy qazaq jáne álem ádebietine qatysty týyndylar. 13 paiyzy anyqtamalyq qosymsha, ádistemelik, ǵylymi-tanymdyq, ǵylymi-tájiribelik basylymdardyń úlesine tiesili», - dedi ol búgin Bilim jáne ǵylym ministrliginiń apparat jinalysynda.
Onyń atap ótýinshe, birqatar aimaqta satyp alynǵan týyndylar sanynyń azdyǵy belgili boldy.
«Atap aitar bolsaq, elordada, Shymkentte, Shyǵys Qazaqstan, Qyzylorda, Pavlodar, Túrkistan oblystarynda satyp alý kórsetkishi tómen. Jalpy, ilgerileý baiqalady. Dese de ádebietter satyp alý qajettiligi bar. Al satyp alynǵan ábedietterdi synyptarǵa bólip qarasaq, bastaýysh synypta 38, negizgi synypta 34 jáne joǵary synypta 28 paiyz. Bizdiń oiymyzsha, bul arasalmaq durys», - dedi Eldos Nurlanov.
