Elimizdegi mektep kitaphanalarynyń qory kórkem ádebiettermen tolyqtyrylady. Bul jaiynda Májilis depýtattarynyń saýalyna QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy "Ult aqparat".
«Búgingi kúni balalardyń oqýǵa qushtarlyǵyn yntalandyrý jáne olardyń oqý saýattylyǵyn qalyptastyrý maqsatynda 3 millionnan astam oqýshyny qamtityn «Oqýǵa qushtar mektep» jobasy iske asyrylýda. Jobanyń aiasynda bilim berý uiymdaryna qarasty kitaphanalar qyzmetkerleriniń biliktiligin arttyrý, kitaphanalardyń materialdyq-tehnikalyq bazasyn jaqsartý, qoryn kórkem ádebietpen tolyqtyrý jáne ony tsifrlandyrý boiynsha sharalar qabyldanady. Osyǵan orai bilim berý uiymdarynyń qorlaryn merzimdik balalar basylymdarymen turaqty túrde tolyqtyrý týraly usynystaryńyzdy qoldaimyz», - delingen Eraly Toǵjanovtyń jaýabynda.
