Mektep direktory «Han-Shatyr» saýda-oiyn saýyq ortalyǵyndasýǵa ketken qyzdyń ata-anasynan BAQ-qa bergen suhbaty úshin resmi túrde keshirim surady, dep habarlaidy "Ult aqparat" QR Bilim jáne ǵylym ministrliginiń baspasóz qyzmetine silteme jasap.
«Atalǵan jaǵdai boiynsha barlyq mán-jai QR Bilim jáne ǵylym ministrliginiń turaqty baqylaýynda. Osyǵan bailanysty 9-10 shilde aralyǵynda ministrliktiń balalar quqyqtaryn qorǵaý komiteti № 10 mektep-gimnaziiasynyń mektep janyndaǵy lageriniń qyzmetine jospardan tys tekseris júrgizdi. Mektep janyndaǵy lagerdiń jumysyna bailanysty barlyq materialdar Nur-Sultan qalalyq politsiia departamentine jiberildi», - delingen bapasóz málimetinde.
Tekserý №10 mektep-gimnaziiasy direktoryn buqaralyq aqparat quraldaryna bergen suhbatynda «Han-Shatyr» saýda-oiyn saýyq ortalyǵynda sýǵa tunshyǵyp qaitys bolǵan qyz týraly qate faktilerdi aitqany úshin jaýapqa tartý týraly sheshim shyǵarǵan. Naqty aitsaq, direktor men synyp jetekshisine qatysty ákimshilik quqyq buzý kodeksiniń 409-babynyń 1-tarmaǵyna sáikes, «Pedagog qyzmetkerdiń mindetterin jáne pedagogikalyq etika normalaryn oryndamaýy nemese tiisinshe oryndamaýy» baby boiynsha sot arqyly ákimshilik jaýapkershilikke tartý jónindegi hattama jasalǵan.
«Búgin mektep direktory sýǵa ketken qyzdyń ata-anasyn qapalandyrǵan suhbat úshin resmi túrde keshirim surady», - delingen resmi aqparatta.
Eske salsaq, jaz basynda elordadaǵy «Han Shatyr» oiyn-saýyq ortalyǵynda 9 jasar qyz bala sýǵa batyp ketken bolatyn. Atalmysh oqiǵa boiynsha QR tótenshe jaǵdai komitetiniń tóraǵasy Vladimir Bekker de pikir bildirdi.
