Memleket basshysynyń tapsyrmasymen 2020 jyldyń 1 qańtarynan bastap muǵalimderdiń jalaqysy jyl saiyn 25 paiyzǵa kóteriledi. Alaida, mektep direktorlarynyń jalaqysy 2015 jylǵy deńgeide qaldy.
Nur-Sultan qalasy máslihatynyń depýtaty Talǵat Nárikbaevtyń aitýynsha, bul másele tez arada sheshimin tappasa, sybailas jemqorlyq táýekelderi kóbeiýi múmkin.
Atalǵan máseleni Talǵat Nárikbaev elordalyq bilim basqarmasynyń basshylyǵymen kezdesý barysynda kóterdi. Kezdesýde basqarma basshylyǵy memlekettik mekemeniń uiymdyq-quqyqtyq nysanynda qurylǵan mektepterdi 2025 jylǵa deiin sharýashylyq júrgizý quqyǵyndaǵy memlekettik kásiporynǵa aýystyrý josparlanǵanyn málimdegen. Jańa uiymdyq nysan derbes jedel basqarý jáne olarǵa berilgen memlekettik aqshalai qarajatty ielik etý boiynsha ókilettikti keńeitýge múmkindik beredi. Qazirgi tańda qaladaǵy 90 mekteptiń tek 15-i ǵana aýystyryl-dy.
«Bul másele biraz ýaqyttan beri sheshimin tappai keledi. Jaqynda bilim basqarmasy basshysymen ótken kezdesý barysynda tek bir uiym qyzmetkerleriniń eńbekaqysyn tóleýde salaishilik differentsiatsiia bar ekeni anyqtaldy. Qazirgi ýaqytta mektep direktorynyń laýazymdyq jalaqysy 180 000 teńgeni, bas býhgalterdiń laýazymdyq jalaqysy 112 000 teńgeni quraidy. Al muǵalimderdiń jalaqysy 450 myń teńgeden 600 myń teńgege deiin jetedi», - dedi ol.
Depýtattyń aitýynsha, eger másele tez arada sheshilmese, elimizde sybai-las jemqorlyq táýekelderiniń artýyna alyp keledi. Sondai-aq bilikti mamandar tómen jalaqy úshin jaýapkershiligi mol qyzmetke barǵysy kelmeidi.
«Meniń oiymsha, eger bul máseleniń sheshimin qazir tappasaq, sybailas jemqorlyq táýekelderi aitarlyqtai artady. Birinshiden, muǵalimder men mektep ákimshiligi arasyndaǵy jalaqy aiyrmashylyǵy sózsiz ákimshilik resýr-stardy paidalanýǵa itermeleidi. Ekinshiden, básekege qabiletti menedjerler qazirgidei jalaqyǵa mektepte jumys istegileri kelmeidi (atap aitqanda, materialdyq jaýapkershiligi joǵary pozitsiiada). Úshinshiden, tómen jalaqy úshin jumys isteýge kelisetin biliksiz basqarýshylar mekemeniń qyzmetin sa-paly júrgize almaidy, onyń ishinde – qyzmetkerlerdi kásibi turǵyda jumysqa qabyldai almaidy. Nátijesinde, tárbie men oqytý protsesi sapa-syz júrgiziledi, bul mektep túlekteriniń biliktilik deńgeiiniń tómendeýine ákelip soqtyrady», - deidi Talǵat Nárikbaev.
Máslihat depýtaty Qazaqstan Respýblikasynyń qoldanystaǵy normativtik aktilerin taldaýdyń, «Qazaqstandyq salalyq bilim jáne ǵylym qyzmetkerleriniń kásiptik odaǵy» QB basshylyǵymen kezdesýdiń qorytyndysy boiynsha Bilim basqarmasyna bul máseleni sheshýdiń jolyn usyndy.
«Biz bul máseleni Nur-Sultan qalasynyń bilim basqarmasy men Nur-Sultan qalasynyń «Ádilet» Bilim berý qyzmetkerleriniń kásiptik odaǵy ara-synda óńirlik deńgeidegi áleýmettik áriptestik týraly kelisim jasasý arqyly sheshýdi usynamyz. Bul jergilikti biýdjetten laýazymdyq jalaqy somasyna qosymsha 30-dan 50%-ǵa deiin qarajat bólip, atalǵan máseleni sheshken Jambyl oblysynyń mysalynda elordamyzdyń bilim berý salasy qyzmetkerleriniń jaǵdaiyn jaqsartýǵa múmkindik beredi», - delingen jazbada.
Depýtat Kásipodaqpen birlesip, Nur-Sultan qalasynyń ákimi A.S. Kólginovtiń atyna bilim berý mekemeleriniń ákimshilik-qosalqy personalynyń jalaqysyn arttyrý jónindegi usynysty qaraýyn ótinip, hat joldady.
«Meniń oiymsha, bul másele - Nur-Sultan qalasynyń bilim berý salasyn odan ári damytý úshin asa mańyzdy jáne dereý sheshýdi talap etedi. Bilikti kadrlar - kez kelgen uiymnyń basty qundylyǵy. Orta bilim berý salasynda básekege qabiletti menedjerler bolmaǵan jaǵdaida biz jyl saiyn osyndai problemalarǵa tap bolatynymyz anyq», - dep qorytyndylady ol.
