Mektep dárethanasynda qurdastaryn uryp, ony videoǵa túsirgen jasóspirimder anyqtaldy. Bul týraly QR IIM Ishki jáne syrtqy kommýnikatsiialar departamentiniń direktory Almas Sadýbaev aitty, dep habarlaidy QazAqparat tilshisi.
«Tergeýge deiingi tekserý amaldary aiasynda politsiia qyzmetkerleri mektep dárethanasynda qurdastaryn soqqyǵa jyǵyp, munyń barlyǵyn videoǵa túsirgen jasóspirimderdiń aty-jónderin anyqtady. Oqiǵa osydan bir jyl buryn, 2018 jyldyń 10 qańtarynda Qyzylorda qalasynda bolǵan. Sol kezde zardap shekken oqýshynyń ata-anasynan politsiiaǵa shaǵym túsken joq», - dedi Almas Sadýbaev.
Departament basshysynyń aitýynsha, QR Qylmystyq kodeksiniń 293 babynyń 2 bóliginde qarastyrylǵan qylmys belgileri boiynsha sotqa deiingi tergeý amaldary bastaldy.
«Atalǵan bap bas bostandyǵynan 5 jylǵa deiin aiyrýdy nemese dál osy merzimge bas bostandyǵyn shekteýdi kózdeidi», - dedi Almas Sadýbaev.
Buǵan deiin Túrkistan qalasynda da qatarlastaryna álimjettik jasaǵan oqýshylar áreketterin videoǵa túsirip, ol áleýmettik jeligen tarap ketken bolatyn.
