Oqý jylynyń úshinshi toqsany 20 naýryzǵa deiin jalǵasady. Buǵan deiin bastaýysh jáne besinshi synyp oqýshylary úshin ata-analardyń ótinishteri boiynsha kezekshi synyptarda kúndizgi oqý úshin jaǵdai jasalǵan bolatyn. Endigi kezekte mektep bitirýshi synyptarǵa qatysty derbes sheshim qabyldandy, dep habarlaidy QR BǴM baspasóz qyzmeti Telegram kanalynda.
Mektep bitirýshi synyptardaǵy oqý pánderiniń 70%-y mindetti túrde dástúrli formatta, al qalǵan 30%-qashyqtan oqytylatyn bolady. Mektepterde ikemdelgen sabaq kesteleri jasalady. Kezekshi synyptardaǵy oqýshylardyń sany burynǵydai 15 adamnan aspaýy qajet (máselen, eger synypta 25 oqýshy bolsa, onda synyp eki topqa bólinedi).
«Mektep bitirýshi synyp oqýshylarynyń ata-analary balalarynyń dástúrli formatta oqýyna ruqsat berýdi suraǵan bolatyn. Bul máseleni jergilikti jerlerdegi bas sanitarlyq dárigerler retteidi. Biraq mektep bitirýshi synyptardaǵy oqýshylar negizgi pánderdi mindetti túrde mektep qabyrǵasynda oqýlary tiis. Qandai pánder dástúrli formatta oqylady, al qaisysy qashyqtan júrgiziletinin ár mekteptiń ákimshiligi ózi sheshedi. Sonymen qatar barlyq bilim berý uiymyna ádistemelik usynymdar joldandy. Biylǵy oqý jylynda mektep bitirýshi synyp oqýshylarynyń sany 440 myńnan asatynyn atap ótkim keledi» , - dedi QR Mektepke deiingi bilim jáne orta bilim komitetiniń tóraiymy Maira Meldebekova.
